Un incuintri par ducj i poetis te Cjase Turoldo

Daspò dal prin apontamet cun Gian Mario Villalta, domenie ai 14 di Jugn, des trê aes cinc di dopomisdì, il poete Roberto Cescon, curadôr dal Festival di PordenoneLegge, al sarà a disposizion par dâ il benvignût a ducj chei che a vuelin condividi in mût libar une cerce de lôr poesie. L’incuintri si davuelzarà tal lûc di nassite di pre David Maria Turoldo in via Caterina Percoto a Coder di Sedean. La iniziative “Vieni a portarmi le tue poesie” (Ven a puartâmi lis tôs poesiis) e je promovude dal Centri di studi “Turoldo” in colaborazion cun PordenoneLegge, il comun di Sedean e “Là di Mariute – Resort”. (A.I.) – 12.06.2026