Un gnûf test pal Teatri Stabil Furlan

Si intitule “In Eterni il nestri îr” il test di dramaturgjie contemporanie che al sarà presentât miercus ai 14 di Mai aes 6 di dopomisdì te librarie “Tarantola” di Udin, in colaborazion cu la “Setemane de Culture Furlane” inmaneade de Filologjiche e te suaze di “In spiete de gnot dai letôrs”. Il test origjinâl al è “Auf ewig unser Gestern” de famose autore pal teatri Maria Milisavljević e al è stât voltât par furlan di Federico Scarpin, che al fevelarà cun Elisa Copetti e cul diretôr artistic dal Teatri Stabil Furlan, Massimo Somaglino. Il test al jentre te golaine di tescj di teatri contemporani Senevierte, publicade dal  TSF cul editôr Forum. (A.I.) – 13.05.2025