Un fumet Agns ’70 di Calligaro in mostre a Pordenon

Joibe ai 10 si scree tal Palaç dal Fumet di Pordenon la mostre “Casanova: Henriette” dedicade ae opare di Renato Calligaro, autôr furlan origjinari di Buie ma che, pe sô art, si è ispirât ae culture de Americhe Latine, dulà che si è trasferît di frut. La esposizion si compon des 16 taulis dal fumet “Casanova: Henriette”, publicât su “Alter/Linus” intai mês di Zenâr, Fevrâr e Març dal 1979. In concomitance cu la jessude dal fumet, a son stadis fatis 75 cartelis di artist numeradis, ognidune cu lis 16 taulis de opare e la introduzion di Gillo Dorfles. Lis cartelis a jerin stadis fatis di Paolo Falaschi di “Falaschi Art” di Passarian e a saran esponudis intune cu lis publicazions de epoche, cun materiâl storic e altris strichis a firme di Renato Calligaro, muart intal 2023 dopo une cariere jenfri grafiche, piture e fumet, ilustrazions e satire politiche. (A.I.) – 09.04.2025