Un festival “di paîs” tal Friûl di Mieç

Pai trente agns dal PIC, il Progjet Integrât Culture dal Friûl di mieç al à inmaneât un piçul festival “di paîs” che al vûl jessi un omaç aes lidrîs. “Tal borc” e je une gnove rassegne che si fasarà tai borcs pôc cognossûts dal Friûl di Mieç e de Basse, doprant formis artistichis contemporaniis e corâls, ispiradis ae tradizion popolâr. L’element locâl sielt par cheste prime edizion al è il morâr, ancjemò presint tal paisaç, ancje se in cuantitât minôr a pet dal passât, ma che al riclame une culture e une economie che a son stadis cetant impuartantis fint ai agns Sessante dal secul passât. I apontaments a son il risultât des conversazions fatis dal PIC cun personis che a àn spartît i ricuarts di une vite passade sot i morârs e dongje dai cavalîrs. I ospits invidâts a tratâ l’argoment, fint ai 9 di Novembar a presentaran spetacui di danze, cjant corâl, musiche, laboratoris, incuintris. Si tache martars ai 21, aes 8 e mieze sot sere te biblioteche civiche “Don Pressacco”, cul scritôr Franco Arminio che al fevelâ di paîs dismenteâts e la proiezion di un video dedicât ae culture e coltivazion dai cavalîrs. (A.I.) – 20.10.2025