Un cafè leterari su lis olmis di Ungaretti

E tache la tierce edizion des “Cafetariis leterariis” prodote de associazion Opera Viva cu la direzion artistiche di Lorena Matic par meti in lûs cualchi figure de leterature e de culture che e coincît cu la storie dal Friûl-Vignesie Julie. Dedicade chest an a “Ungaretti, il poete inamorât”, bon di lassâ une olme che no si pues cancelâ cui siei viers scrits cuant che al jere soldât sul Cjars te Vuere grande, la rassegne di vierç a Gurize martars ai 6 di Mai aes 11.30 di buinore tal palaç Werdenberg, sede de Biblioteche Statâl, cuntune conference di Luca Caburlotto, “Eredità culturale”, su la celebrazion dal Milite Ignoto a Gurize cent agns indaûr. Joibe ai 15 a Duìn, un spetacul teatrâl itinerant cul atôr Gualtiero Giorgini, “Ecos de storie”. (A.I.) – 05.06.2025