Un artist pop par fâ jentrâ il Fvj intai circuits des grandis mostris

“Il Friûl Vignesie Julie e Triest a àn ducj i numars par jentrâ intai circuits des grandis mostris: cu lis oparis di Banksy al Salone degli Incanti, Triest e deventarà par un periodi la capitâl di chest grant artist che no si cognòs la identitât. La esposizion e sarà une gruesse ocasion di riclam, tant che al è sucedût simpri intal mont cuant che si trate di lui”. Chestis lis peraulis dal governadôr Massimiliano Fedriga ae presentazion de mostre “Banksy, the great communicator – Unauthorized exhibition”, curade di Gianni Mercurio e promovude de stesse Regjon Fvj. La esposizion di chest grant artist “pop” de comunicazion, dai 25 di Novembar ai 10 di Avrîl dal 2023, e cjape dentri une sessantine di oparis realizadis cun tecnichis diviersis e e je dividude in trê parts. (A.I.) – 05.10.2022