Ultins events dal an par “pordenonelegge”

Miercus ai 10 e finìs la schirie di events de Sierade di pordenonelegge, “Fuoricittà”, che e puarte autôrs de sene leterarie nazionâl a tu a tu cul public, slargjant la magjie de rassegne di Setembar, la fieste dai libris e dai letôrs. Pe grande finâl a son stâts inmaneâts trê events, ducj intal stes dì. Al scomence aes sîs e mieze sot sere a Sacîl, tal Palaç Ragazzoni cun Alice Basso e il so ultin libri, “Le ventisette sveglie di Atena Ferraris” (Lis vincjesiet sveis di Atena Ferraris), in conversazion cun Elena Commessatti. Aes vot e mieze di sere a Cjasarse, te Cjamare dal Consei dal Palaç Buroviç, la scritore Federica Manzon, vincidore dal Premi Campiello cun “Alma” (Feltrinelli 2024), un dai plui grancj sucès editoriâi dai ultins agns resints, e tornarà a presentâ la trame dal libri cun Michela Fregona. Par sierâ aes 9 mancul un cuart di sere, a S. Vît dal Tiliment tal teatri “Arrigoni”, la curadore di “pordenonelegge” Valentina Gasparet e presentarà il gnûf romanç di Matteo Bussola. (A.I.) – 09.12.2025