Ultins dîs par viodi il grant dissegnadôr gjaponês a Udin

Ultins dîs par visitâ a Udin la mostre “Mondo Mizuki, Mondo Yokai”, dedicade ae opare di Shigeru Mizuki (1922–2015), un dai plui grancj autôrs gjaponês di “manga”, mestri di storiis di “yokai”, lis aparizions dal mît di chel Paîs e studiôs di folclôr. Fint a domenie ai 31 a Cjase “Cavazzini” di puedin viodi lis oparis origjinâls – cetantis di chês pe prime volte fûr dal Gjapon – adun cun riproduzions, libris, videos, rivistis e materiâls critics che a contin un autôr straordenari. La esposizion e je stade screade ai 26 di Avrîl te suaze de vincjesime setime edizion dal “Far East Film Festival”, e e je stade la prime in Italie e la seconde in dute la Europe dedicade a Mizuki. (A.I) – 27.08.2025