Turisim culturâl intal non dai Tiepolo

Al tache a Udin il “Festival dai Tiepolo e dal Sietcent”, un progjet di ricercje e turisim culturâl, ideât e inmaneât di Itineraria, e rivât ae tierce edizion. Fint ai 27 di Març, il dì de muart di Giambattista Tiepolo, a Udin a son previodûts incuintris, visitis vuidadis e spetacui. Il prin, “Le meraviglie del Tiepolo a Würzburg”, cui students dal Liceu Coreutic dal Uccellis di Udin, al sarà martars ai 5, aes 5 dopomisdì, inte scuele: une schirie di “cuadris che a balin” ispirâts ai lavôrs fats dai Tiepolo in Gjermanie (A.I.) – 04.03.2024