Trê fotografs internazionâi par Gurize e Gnove Gurize

Sabide ai 25 si vierç te cjase Morassi Panizzolo a Gurize, intal borc dal cjistiel, la mostre “Tre sguardi. Racconti fotografici inediti per GO!2025” (Trê cjaladis. Contis fotografichis ineditis par GO!2025), fate cui servizis di ancjetancj mestri de fotografie contemporanie a Gurize e Gnove Gurize. Tal Istât dal 2024, Steve McCurry, Meta Krese, Alex Majoli a àn lavorât daûr di une incarghe dal CRAF di Spilimberc par celebrâ la sielte des dôs citâts a capitâl de culture. Vierte fint ai 18 di Zenâr, le esposizion e je stade ideade e curade dal diretôr dal CRAF, Alvise Rampini, e dal espert di fotografie Michele Smargiassi par ufrî ai visitadôrs un teme unic – il confin, îr, vuê e doman – che al è stât frontât di trê personalitâts diferentis. (A.I.) – 23.10.2025