Trê dîs par fevelâ di politiche

Trê dîs, sîs apontaments e 17 ospits dai 15 ai 17 di Març par tirâ dongje i citadins ae politiche taliane e europeane, fâ cognossi la storie, la evoluzion, lis figuris che a son stadis un simbul: cheste e je la tierce edizion di “Appuntamento con la Politica, che unisce” (Apontament cu la Politiche, che e met adun), inmaneade de associazion Leali delle Notizie. A Segrât, Foian Redipulie e Roncjis di Monfalcon, ancje in viste des elezions dal gnûf Parlament european tal mês di Jugn, si fevelarà di Aldo Moro e di Silvio Berlusconi, di un gnûf dialic de politiche cui zovins, de Europe cence confins e di chê dal Est. (A.I.) – 05.03.2024