Trê dîs par cognossi lis nestris tradizions cun documentaris dai agns ’70

Dal 1972 al 1975, lis studiosis Olivia Averso Pellis e Andreina Nicoloso Ciceri si son dedicadis ae realizazion di 8 videos documentaris inerents cierts des tradizions popolârs plui impuartantis dal Friûl, doprant machine fotografiche e la cineprese Super 8. I materiâi tirats dongje a son stâts po dopo montâts in studi cuntun fin didatic e sonorizâts cun la vôs fûr cjamp di Andreina Ciceri. Chescj materiâi tant preziôs, di proprietât de Societât Filologjiche Furlane, a vegnin presentât inte suaze dal progjet “Video Memoriis dal Friûl”: trê dîs a Palazzo Giacomelli, Museo Etnografico del Friuli in via Grazzano a Udin, cun proiezions, cunvignis e visite multimediâl. (A.I.) – 13.10.2022