Trê dîs di studis langobarts in Friûl

I doi secui di dominazion dai Langobarts in Friûl a son un dai moments storics plui impuartants de nestre Tiere. Di chei agns dal 568 al 776 daspò di Crist a son restâts documents storics, archeologjic e artistic di valôr cetant grant te nestre regjon. Al è par sigûr ancje par chel che il Gruppo Archeologico Aquileiese al è stât sielt par inmaneâ la diesime cunvigne di studis, titulade “Lis presincis langobardis tes regjons de Italie”. Une rassegne sientifiche di nivel alt, che si davuelzarà di vinars ai 7 e fint a domenie ai 9, tal ordin, a Aquilee, Cividât e Romans dal Lusinç, ae presince di cualchi grant esperts di Alte Ete di Mieç, che al presentarà lis ultimis scuviertis, adun cui ricercjadôrs e ducj chei che a fasin part di associazions storichis e grups archeologjics: i ultins vuardians de storie. Intai trê dîs a son in program pai partecipants lis visitis ai monuments plui impuartants di chenti e la partecipazion dal grup Invicti Lupi. (AI.) – 06.11.2025