Testemoneances di cjarte di un confin a chel altri

Il coletîf “Menti Libere”, che dal 2015 al racuei vôs e segns des migrazions di vuê in rodui di cjarte distirâts dilunc lis rotis di dut il mont, al celebre i siei dîs agns di ativitât cuntun event simbolic che al sarà ospitât te capital europeane de culture. Vinars ai 17 al mudarà Gurize e Gnove Gurize intun spazi espositîf transfrontalîr unic cu la iniziative “Srotolare il confine”, Disrodolâ il confin, inmaneade te suaze di GO!2025. Aes 6 di dopomisdì in vie D’Annunzio 3 a saran presentâts pe prime volte i rodui storics dal progjet: cuasi tresinte metris di dissens e tescj, racuelts vie pal timp in Europe e in Afriche, ae presince di cuatri artiscj internazionâi cjatâts vie pal timp: Matteo Bompasso, Michele Cattani, Spartak Khachanov e Raffaele Saviano. Po dopo ducj a laran adun cul public li de “Carinarnica”, la ex dogane, vue deventade un presidi culturâl sul confin, une altre sede de mostre che si podarà visitâ fint ai 25 di Otubar. (A.I.) – 16.10.2025