39
La vicende dal prin ordenadôr o “personal computer”, clamât “Programma 101”, e je une storie dute taliane, fate di ricercje sientifiche e di aplicazion industriâl, che e va indaûr fint ai agns ’60. Protagonist diret de nassite dal prin Pc, e une des memoriis storichis dai agns là che la Olivetti e à vût un rûl di nivel mondiâl te sperimentazion de aplicazion des tecnologjiis eletronichis emergjentis, Gastone Garziera le contarà te Universitât dal Friûl vinars ai 15 aes 4.15 dopomisdì, inte aule Pasolini dal Palaç di Toppo Wassermann. L’incuintri al è inmaneât de Scuele superiôr universitarie dal Ateneu furlan. (A.I.) – 14.03.2024
