Te Badie di Siest une opare robade tal 2002

Une altre des oparis di art robadis te Badie di Siest te gnot dal prin ai 2 di Mai 2002 e je tornade a cjase: la “Assuzion di Marie Vergjine” piturade dal artist Giuseppe Pappini tal 1851, che i carabinîrs a àn cjatât tai Stâts Unîts. La aministrazion comunâl di Siest e à colaborât in maniere direte par recuperâ il lavôr midiant de sô rêt di contats istituzionâi. “O sin une vore contents”, e à comentât la sindiche Zaida Franceschetti. “Chest al à vuarît la feride causade de robarie vincjecuatri agns indaûr. Une disgracie che e à colpît no dome la Badie ma ancje la comunitât interie.” La gnot dal prin ai 2 di Mai 2002 a forin robadis 28 oparis di art – manufats di piere, telis e afrescs che a jerin za stâts gjavâts vie. Tal 2017, dôs pituris a son stadis cjatadis tai Paîs Bas, e la tierce, la pale di altâr di Giuseppe Pappini, e je stade cjatade a Dallas, Texas, tal 2020. La opare e jere za tornade in Italie ai 28 di Mai dal 2024, adun cun altris 600 oparis di art confiscadis, ma daûr de procedure, bisugnave spietâ la decision des autoritâts talianis. (A.I.) – 26.05.2026