Taramot: a tachin lis conferencis

Si intitule “Dal taramot ae rinassite: Friûl 1976-2024” la conference programade par martars ai 18, scomençant des cinc e un cuart di dopomisdì, inte Sale di Onôr de Societât Filologjiche di Udin. Carla Barnaba (dal CRS) e Alessio Compagno a fasaran une discussion sientifiche ator dal taramot dal 1976, e po dopo la ricostruzion, interpretade tant che un esempli di resurezion comunitarie. La conference e esplorarà i paralêi jenfri aspiets filosofics e pratics, evidenziant cemût che la tragjedie e à sburtât la ricercje sismologjiche, cul CRS – Centri pe Ricercje Sismologjiche, e lis ativitâts di monitorament dal dì di vuê. Prime dal event e sarà fate une piçule anteprime di un gnûf progjet di libri a fumets ator dal teme dal taramot e progjetât pes gjenerazions plui zovinis. (A.I.) – 17.11.2025