Tal Palaç dal fumet un incuintri par sierâ la mostre di Magnus

Un incuintri speciâl par sierâ la mostre “Il segno di Magnus – Da Alan Ford a Tex” dedicade al grant autôr di fumets Roberto Raviola – cognossût cul non di art di Magnus – joibe ai 8 tal Palaç dal Fumet di Pordenon. Aes 8.30 sot sere, la celebrazion dal “finissage” de mostre, vierte fint a domenie ai 12, e sarà fate cuntun incuintri, “Le strade di Tex. Da Magnus a oggi” (Lis stradis di Tex. Di Magnus a vuê), che al conte i ultins trente agns ma ancje l’avignî dal fumet talian. A fevelâ a saran Graziano Frediani, scritôr dal editôr Sergio Bonelli, il senegjatôr Giorgio Giusfredi e il dissegnadôr Michele Benevento, vuidâts dal storic e critic Michele Ginevra. (A.I.) – 08.10.2025