Tai cjamps de Basse dopo de Seconde vuere

L’ultin saç dal gjornalist Pier Paolo Gratton cul titul “Per un pugno di terra”, dedicât a metadiaris e zornadîrs te Basse dal Friûl orientâl tai agns 1945-1953, al sarà presentât miercus ai 28 ae 6 dopomisdì inte sale de Acli di Parteulis di Rude, inte suaze di une schirie di iniziativis par valorizâ la piçule storie locâl. Chel di Gratton al è un cuadri de Basse furlane intai agns de Democrazie Cristiane: tal mieç, lis lotis dai contadins dal 1945 al 1953 intune zone in cundizions economichis disastrosis, cun intîrs paîs di tornâ a tirâ sù, une campagne sdrumade de vuere e une cuistion sociâl pronte a sclopâ. Soredut tai cjamps, là che i contrascj politics e sociâi e deventavin intun moment siopar, manifestazion e proteste. (A.I.) – 27.02.2024