“Suns Europe” al cîr zovin volontaris pai ultins apontaments

Daspò di une edizion estive plene di entusiasim, “Suns Europe” al cîr volontaris pes zornadis de sierade dal festival, in program a Udin ai 25 e ai 26 di Novembar dal 2022. A saran doi dîs a contat cul talent, cul pluralisim linguistic e cu la creativitât. Une ocasion par vivi esperiencis gnovis, ma ancje par cognossi personis e culturis : une oportunitât soredut pai plui zovins, baste che a vedin 18 agns. Par jentrâ intal “mont” di Suns Europe, il plui grant festival european des arts intes lenghis minorizadis, al baste proponi la candidature jemplant il modul di pueste che si cjate intal sît de manifestazion (www.sunseurope.com/it/volontari), dentri dai 11 di Novembar dal 2022. (A.I.) – 27.09.2022