“Suns Europe” a Udin: si tache cu la leterature

La prime edizion dal festival “Suns Europe” e je stade tal 2015, ma la prime volte di Udin e Il Friûl ‘capitâl’ des lenghis minorizadis de Europe e fo il 2011, cuant che tal Teatri gnûf “Giovanni da Udine” si è davuelte la finâl dal “Liet International”, la prime rassegne nassude tal 2002 par dâ spazi ae musiche gnove sunade in cualsisei lenghe minoritarie dal continent. Il festival des arts in lenghe minorizade al torne a Udin e sul teritori cu lis tantis lenghis minoritariis dal Vecjo Continent par mostrâ che la diversitât linguistiche no je dome un patrimoni di conservâ, ma une forme di espression artistiche vivarose e contemporanie. Il cartelon dal festival, organizât de cooperative Informazione Friulana, si scree cu la leterature joibe ai 27, tal “Spazi Bottega” di Bottega Errante in vie Pradaman a Udin. Il protagonist al sarà Suso de Toro, un dai scritôrs galizians plui impuartants dal dì di vuê, autôr di passe trente oparis voltadis in cetantis lenghis. Sabide ai 29 l’ospit al sarà il furlan Stiefin Morat (Stefano Moratto), une des vôs plui visionariis de leterature furlane contemporanie cu la sô ultime opare “Conseis par viaçs interstelârs”. Dai 4 ai 5 di Dicembar, la sezion leterarie dal festival e proponarà il studiôs basc Ibai Atutxa Ordeñana, la scritore e senegjatore catalane di Laia Perearnau i Colome“ cul gnûf romanç “La Passadora”e la leture seniche musicade di “Tant che Tupamaros”, gjavade fûr di un libri di Paolo Patui dal atôr e senegjatôr Massimo Somaglino. Dai 30 di Novembar ai 2 di Dicembar, apontaments cul cine li dal Visionario di Udin par instreçâ narazion visive, musiche e identitât: la prime assolude di “Natisa”, la comedie nord-irlandês “Kneecap” e“Il Mohicano” ambientât in Corsiche. (A.I.) – 26.11.2025