Sul palc, dentri de Vuere grande

Daspò di dîs agns de prime edizion, e torne fûr par Kappa Vu il libri dal 2015 di Valerio Marchi “Quell’anno sull’Altipiano. Trenta liriche in omaggio a Emilio Lussu” a 50 agns de muart dal scritôr, militâr e politic. Un dai paris de Costituzion taliane, tal 1937 al veve scrit la racuelte di poesiis che e conte la vite dai soldâts talians dentri des trinceis. Dongje des poesiis, tal libri a son i intervents di Angelo Floramo, Fiammetta Bonsignore, Giuliana Valentinis e al stes autôr. Dongje di chel, un gnûf formât dal spetacul in sene cualchi an indaûr, là che Marchi e Stefano Rizzardi a van sul palc compagnâts pe part musicâl di Andrea Miola e Luca Zuliani. La gnove scriture di Marchi – autôr soredut di spetacui pal teatri e biografiis di grancj personaçs de storie – e je une sorte di senegjature poetiche, là che lis peraulis e la musiche a compagnin il public dentri de Vuere grande, compagn di un cine, par deventâ ducj testemonis di chê grande tragjedie che e je la Storie. La “prime” dal spetacul e je previodude domenie ai 23 a S. Pieri dai Sclavons, tal centri culturâl sloven. (A.I.) – 21.11.2025