Sul Lusinç, un museu di art naturâl tal viert

L’incjant de art e la bielece de nature si cjatin dongje dal flum, tal Parc dal Lusinç di Flumisel, tai 23 ai 26 di Lui, pe decime setime edizion dal festival “Aeson”, che al mude il flum intune galarie tal viert, là che lis oparis di “land art”, la art naturâl, si fondin cul ambient par dâ une esperience uniche al public. Inmaneât de associazion Ecopark cu la direzion artistiche di Devi Strussiat, il festival al è nassût par dâ vôs ae nature e ae storie dal teritori doprant la art e l’incuintri, instreçant lengaçs artistics diferents in dialic cul ambient. Soredut, E JE une celebrazion dal leam de art contemporanie cu la sostignibilitât e la valorizazion dal patrimoni naturâl, par promovi une gnove vision dal teritori e de comunitât, tirant dentri artiscj dal lûc e internazionâi soredut par fâ oparis di art ambientâl e land art. Tai dîs di “Aeson” il public al podarà scuvierzi sîs gnovis oparis o viodi vincj spetacui dal vîf, partecipâ a laboratoris par dutis lis etâts e vivi une esperience che e messede art, musiche, danze e nature intun unic, grant spetacul che al tache cun concierts di musiche jazz, reggae e eletroniche, ma ancje poesie. (A.I.) – 21.07.2025