Su lis olmis dai edificis dal prin ‘900 inte “Gurize scuindude”

Domenie ai 16, dopli apontament aes 10 di buinore e aes 2 di dopomisdì cun “Gurize Scuindude”, dal titul “Tant che dôs sûrs – la architeture dal ‘900 jenfri Gurize e Gnove Gurize”. La iniziative dal CTA – Centri Teatri di animazion e figuris, te suaze dal progjet “Croseris di Europe” inmaneât dal Comun di Gurize, al è un percors teatrâl fra lis viis de citât par scuvierzi Gurize e il teritori transfrontalîr. In chest câs, la architeture dal prin dal Nûfcent, protagoniste de trasformazion e ricostruzion de citât, dopo la Prime vuere mondiâl e fint ae ideazion e costruzion di une gnove citât dopo il tratât di Pâs dal 1947. Il percors al scomence dal Trgovski Dom di Gurize, ideât intal 1903 di Max Fabiani, e si siere in bande dal unic monument european ae urbanistiche, dedicât al progjet di Edvard Ravnikar par Gnove Gurize. (A.I.) – 14.02.2025