Storiis di confin e di esodis

Gnûfs events a Gurize pe rassegne leterarie “I libris des 18:03.” Miercus ai 8 al Kulturi Dom, Luigi Nacci al presente “Il tempo dei semplici” (Il timp dai sempliçs), la sô seconde opare di finzion. Un romanç di confin che al conte di Triest e des tieris ator e di chês ancjemò plui lontanis, viodudis traviers dai voi dai “ultins”: istrians, slâfs, meridionâi, rom… Il dì dopo, tal Trgovski Dom, la cjase dal cumierç che e je la sede des organizazions dai slovens di Gurize, la antropolighe di Cjaudistrie Katja Hrobat Virgolet. Tal so libri “Esodo. Il silenzio di chi resta” (Esodi. Il cidinôr di cui che che al reste). e conte i oms e lis feminis da comunitât taliane che, tai agns scalmanâts daspò de seconde vuere mondiâl, no àn lassât la Istrie ma a son restâts in Jugoslavie e a son deventâts une minorance. (A.I.) – 07.04.2026