Storiis di confin di Tarvis al mâr

Anteprime nazionâl joibe ai 13 aes 6 dopomisdì te Badie di Rosacis in comun di Manzan pe presentazion dal libri “Storie dal confine” (Storiis dal confin), jessût par Ediciclo, scrit di Donatella Tretjak e Guido Barella: il secont apontament de rassegne “I colocuis de Badie”, curade e condote di Elda Felluga e Margherita Reguitti. Al è un viaç intai lûcs de Vuere frede lant daûr dal confin orientâl de Italie de curtine di fier. E duncje, al ven fûr un libri di viaç intal timp e intal spazi che pe prime volte al propon in mût omogjeni riflessions e memoriis, ma ancje la esperience personâl e professionâl dai autôrs. Une conte di storiis, microstoriis e curiositâts che a fasin tornâ il clime che si respirave, e che e je nassude de curiositât di doi gjornaliscj de nestre regjon, dilunc dai 223 chilometris che a van de mont For, pont di incuintri fra Italie, Austrie e Slovenie, a Mugle, di Tarvis al Adriatic. (A.I.) – 11.02.2025