Spillmberc, citât di artiscj daspò de vuere

Tal secont dopovuere a Spilimberc e je stade une vivarose ativitât culturâl cun cetancj zovins fotografs, atôrs e poets rivâts in citât . Par tornâ a scuvierzi chescj agns fondamentâi al è nassût il progjet “Spilimbergo e la primavera culturale degli anni ’50-’70”. (Spilimberc e la Vierte culturâl dai agns ’50-’70) . La mostre si pues ancjemò visitâ tal palaç La Loggia e dilunc Viale Barbacane, là che a son vincj panei. Un Joibe ai 15, aes 9 sot sere tal teatri Miotto, si fasarà la presentazion dal cine documentari dal progjet, cu la regjie di Francesco Zanet. I protagoniscj a son Italo Zannier, Gianfranco Ellero, Rino Pastorutti, Luciana Concina e Umberto Sarcinelli, che a contaran la societât dal timp passât. (A.I.) – 14.05.2025