Spetacui e sience par fruts a Monfalcon

da Andrea Ioime

Lunis ai 5 e tache la vincjesime tierce edizion dal ”MAT+S!” Il progjet storic “Musiche Art Teatri + Sience” curât de atore Luisa Vermiglio e inmaneât dal Ert, Ent Regjonâl Teatrâl dal Friûl-Vignesie Julie cu la poie e la colaborazion de aministrazion comunâl di Monfalcon e dal Istitût Comprensîf “Ezio Giacich”, che chest an al cjaparà dentri 136 arlevis e arlêfs de scuele primarie. La edizion e je la seconde tape di un percors trienâl dedicât aes neurosiencis e chest an e puartarà lis sîs classis partecipantis ae scuvierte dal lengaç. La prime tape e je un incuintri cu la scritore Clara Carminati, autore di poesiis, contis, romançs, cjançons e spetacui teatrâi par fruts e fantats, cuntun laboratori dedicât ae peraule e ae poesie. (A.I.) – 03.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui