Satire dissegnade: 240 autôrs a Cjanive

A Stevenà di Cjanive sabide ai 5, te vile Frova, si scree la mostre “L’amore è cieco” (L’amôr al è vuarp) daspò de premiazion dai vincidôrs de decime seconde edizion de rassegne “Caneva ride”. Nassût par memoreâ Toni Zampol, naratôr dal teritori simpri bon di cjatâ la bande comiche di int e situazions, il concors al è viert a ducj e al è deventât vie pai agns un dai plui impuartants tal mont de satire dissegnade. La clâf dal sucès e je simpri stade la satire “di costum”, par ridi ogni an di un argoment diferent, ma che ducj a puedin capî. Vie pai agns a son stadis presentadis passe 4 mil oparis di 2250 autôrs di 360 nazions: 240 (i artiscj) e 50 (lis nazions) dome chest an! Il prin premi al va al brasilian Silvano Mello, il secont al serp Borislav Stankovic e il tierç ae taliane Marzia Grossi. Premi speciâl par Marco De Angelis (A.I.) – 03.07.2025