Salon dal libri di Turin cu la poesie curade dai furlans

Di joibe ai 15 e fint a lunis ai 19 di Mai al torne il cartelon di poesie li dal trentesim setim Salon internazionâl dal libri di Turin, par cure de fondazion Pordenonelegge in colaborazion cul Salon, la Regjon F-Vj e i editôrs talians di poesie. Tal stand V140-W139 de Regjon li dal Lingotto si vierzarà un spazi dut dedicât ae poesie, cun 27 events par cure di Alberto Garlini e Valentina Gasparet cul poete Roberto Cescon e il diretôr artistic di pordenonelegge, Gian Mario Villalta. A saran presentadis 58 vôs che a rapresentis la sene poetiche taliane e trê focus internazionâi, cun novitâts e omaçs e lis vôs dal premi “Saba Poesia”, vinçût chest an di Stefano Dal Bianco. (A.I.) – 13.05.2025