Sacîl al zire il mont cuntun cine musicâl

Un cine nassût e zirât a Sacîl, la citât dal piano, al è stât selezionât di cualchi festival nazionâl e internazionâl, tant che l’Emberlight Film Festival dal Michigan (a fin Avost), il Festival del Cinema di Cefalù, il Film Festival di Montpellier. “Goldberg serpentine love”, il cine musicâl zirât a Sacîl dal regjist Luca Coassin, interpretât dal talent pianistic polac Tymoteusz Bies, vincidôr di une edizion dal concors “Piano FVG”, dal zovin danzadôr francomarochin Amine Messaoudi e di Ilaria Moretto, sedis agns, di Sacîl, al jere rivât za il Setembar passât ae Mostre dal cine di Vignesie. Une ocasion tant impuartante par fâ cognossi lis bielecis di Sacîl, dal so flum e dai siei lûcs tant che la fabriche di pianos Fazioli, une marche innomenade in dut il mont. (A.I.) – 04.07.2022