S. Francesc in viaç tes glesiis dal teritori

Al va indevant fint al mês di Novembar il viaç de mostre itinerante “800 anni del Cantico delle Creature di San Francesco d’Assisi” in parochiis diferentis de diocesi di Concuardie – Pordenon cu lis olmis storichis e artistichis dai francescans. La cuarte tape e j te glesie di S. Zuan a Spilimberc, là che la esposizion e je visibil di vinars ai 10 e fint ai 26 di Otubar. Inmaneade te suaze de rassegne di incuintris de editorie religjose “Ascoltare, Leggere, Crescere”, la mostre e conte la presince dal Sant Patron de Italie tal teritori, ma ancje lis figuris di innomenâts francescans: par esempli, il Beât Odorì di Pordenon e pre Marc di Davian. (A.I.) – 09.10.2025