Romans dal Lusinç langobarde di 40 agns

Ai 9 di Jugn dal 1986, intant che si fasevin i lavôrs di un acuedot dongje di une cjase in comun di Romans dal Lusinç, e fo cjatade par câs une des testemoneancis plui grandis de presince dai Langobarts in Italie. Une necropoli dal sest o dal setim secul daspò di Crist, fate di cuasi 400 tombis cjatadis in nûf diferentis campagnis di sgjâfs, cun dentri passe 200 rescj di oms e feminis cun spadis, scûts e altris armis, ma ancje cun zoiis di alt nivel, Deventât un dai sîts langobarts plui grancj e impuartants di dut il Paîs, al à ancje rivoluzionât il studi ator lis migrazions europeans. E vie pal timp, al à ancje sburtât un grup di passionâts a creâ une associazion, Invicti Lupi, e a meti adun une grande rievocazion storiche che di 14 agns e tire dentri un public di passionâts e ancje di studiôs. Il teme de edizion 2026, dai 11 ai 14 di Jugn a Romans dal Lusinç, al sarà propit “La necropoli di Romans: la grande scuvierte”, par ricuardâ chel moment di cuarante agns indaûr. (A.I.) – 09.06.2026