Romans dal Lusinç al lavôr par ricostruî une vile langobarde

Intal centri culturâl “Casa Candussi-Pasiani” di Romans dal Lusinç, martars ai 19 si scree la mostre “Faber Langobardorum”, un simposi di sculture inte suaze de rievocazion storiche “Romans Langobardorum”, davuelte tal mês di Jugn, organizade di dîs agns de associazion Invicti Lupi. Al simposi a àn partecipât cinc artiscj furlans che, lavorant su troncs di cedri e materiâl di ricicli, a àn prodot cinc oparis di art a tematiche langobarde. Lis oparis a vignaran esponudis a cjase Candussi-Pasiani fin a cuant che e sarà realizade la vile langobarde di Romans: la prime a jessi ricostruide a nivel mondiâl. (A.I.) – 18-07.2002