Riflessions su bêçs e religjon

E jentre intal vîf la 16e edizion de rassegne “Ascoltare, Leggere, Crescere”, incuintris cu la editorie religjose, in program fintremai ai 8 di Otubar. Joibe ai 29, grant spazi pai temis economics e pe gjestion di prospetivis diferentis. Di buinore, dopli apontament a Pordenon par fevelâ dal significât dai bêçs intes religjons monoteistis e di filantropie e dal rûl des fondazions, vuê. Dopomisdì, presentazion dal libri di Mariella Enoc, presidente dal Ospedâl Pediatric “Bambino Gesù” di Rome, che pe ocasion e visitarà il CRO di Davian e la “Via di Natale”. (A.I.) – 28.09.2022