Ricuarts di famee di une marche nassude in Friûl

Vinars ai 6 di Fevrâr, il cine Visionario di Udin al darà acet aes celebrazions dal diesim aniversari de associazion Brainery Academy, cuntune proiezion speciâl dal cine documentari “Memorabilia – Una storia di famiglia” (Une storie di famee), cul regjist Giovanni Enrico Morassutti te sale. Il documentari al mostre la storie de storiche aziende di famee, ative tal cjamp de feramente e dai bens di cjase a Udin e in dute la Italie fint ai agns Setante dal 1900. Doprant materiâi di archivi, fotografiis di epoche e testemoneancis di prime man, il cine al fâs un viaç profont traviers dai ricuarts di famee e de societât taliane, dai agns dal bum economic fint ai decenis plui complicâts dal secul passât, evidenziant un model di capitalisim “uman”, fondât su la responsabilitât sociâl. (A.I.) – 05.02.2026