Premis ai gjornaliscj intal non di Luchetta, Ota e D’Angelo

da Andrea Ioime

A son passâts trente agns dai 28 di Zenâr dal 1994, il dì che a àn pierdût la vite Marco Luchetta, Alessandro Saša Ota e Dario D’Angelo, i trê gjornaliscj de Rai di Triest copâts a Mostar di une bombe, intant che a ziravin lis ripresis par un servizi sui fruts cence non. Di alore, la tragjedie e je deventade il simbul dal gjornalisim che al denunzie la rimozion des veretâts discomudis. Intal trentenâl de muart, la Fondazion “Luchetta Ota D’Angelo Hrovatin” ju ricuarde cul conferiment dal Premi “Rotta Balcanica”: une prime edizion dedicade a un teme che al viôt a Triest la puarte di acès in Europe par miârs di personis. I vincidôrs dal Premi a son la gjornaliste Linda Caglioni pe sezion “Stampa”, Giulia Bosetti e Eleonora Tundo par “Immagini”. (A.I.) – 17.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui