Premi Terzani pes letaris di une preson libiche

La vincjesime seconde edizion dal premi leterari internazionâl “Tiziano Terzani” – metût adun dal festival “vicino/lontano” a Udin cu la famee Terzani – e je stade assegnade a “Perché ero ragazzo” (Parcè che o jeri un fantat) di Alaa Faraj. A comunicâlu, la presidente de jurie Angela Terzani Staude. Publicât di Sellerio, il romanç al è “une storie esemplâr di dignitât e cûr,” daûr des stessis peraulis dopradis de jurie, che al met dongje lis letaris de preson di un libic nassût a Benghazi tal 1995. Intal Avost dal 2015, Alaa Faraj al veve vincj agns, al jere un student di inzegnarie e une promesse dal balon che al voleve rivâ in Europe, ma cence il vistât nol jere pussibil. Si che duncje al decidè di lâ vie in barcje cui amîs, cence comunicâlu ae sô famee. Intant che a jerin sul mâr, 49 personis a son muartis scjafoiadis te stive. Alaa Faraj, acusât di “complicât in omicidis e di violazion des leçs de imigrazion”, al è stât condanât a trente agns di preson. Dut câs, in graciis di un incuintri in preson cun Alessandra Sciurba, professore di Filosofie dal Dirit, al è deventât tun scritôr, contant la sô storie par talian, scrivint un dì daûr di chel altri, a man sui sfueis che al cjatave fûr, un romanç che al domande justizie e dignitât. (A.I.) – 14.04.2026