Premi Hemingway, anteprime cuntun om di teatri

Anteprime teatrâl chest an (cul ingrès cence sore nuie) pai Incuintris dal Premi Hemingway, promovût dal Comun di Lignan. Miercus ai 25 tal CineCity, un dai atôrs plui innomenâts de sene taliane, Sebastiano Somma, al sarà impegnât te leture seniche dal romanç “Il vecchio e il mare” di Ernest Hemingway, in sene cul atôr Francesco Gojak e il flautist Roberto Fabbriciani. Il libri al è une opare mestre fate ae fin de grande cariere dal scritôr american, là che a tornin ducj i temis de sô ispirazion, ma dentri di une suaze simboliche di une epiche individuâl jemplade di grancj modei leteraris, tant che Moby Dick. Joibe ai 26, il prin dai “Incuintris” cul vincidôr al premi Hemingway Fotografie/Fotolibri, Cesare Gerolimetto, in dialic cun Italo Zannier. (A.I.) – 24.06.2025