Premi di lauree tal non di pre Di Piazza

Si tignarà martars ai 10 aes 11 di buinore, te Universitât dal Friûl, intal Salon di onôr di Palaç Antonioni Maseri di vie Glemone, la consegne dal premi di lauree in memorie di pre Pierluigi Di Piazza, ae sô prime edizion. Il ricognossiment al è stât istituît dal fradi Vito e de famee di pre Pierluigi intune cul Ateneu furlan. Al fondadôr dal Centri di acet “Ernesto Balducci” di Çuian, la Universitât intal 2006 e veve conferît la lauree honoris causa stant che “imprenditôr di solidarietât” e intal Mai di chest an i à intitulât la aule studi de Biblioteche sientifiche. Il premi al è par cui che al à otignût ae Universitât une lauree trienâl, magjistrâl o magjistrâl a cicli unic, discutint une tesi sui temis plui cjârs al sacerdot di Tualiis: il rispiet de legalitât, la paritât di gjenar, la inclusion sociâl, la valorizazion des diversitâts, lis politichis di acet dai migrants, la pâs. (A.I.) – 09.12.2024