“Pordenonelegge” cuntun ospit speciâl, il president Mattarella

Passe 650 vôs internazionâls dal mont de leterature, de poesie e dal pinsîr, par contâ il timp dulà che il mont al è daûr a lambicâsi: cinc dîs e 350 events in 50 spazis de citât furlane, cun grancj ospits internazionâi e centenârs di autôrs talians e furlans. La vincjesime setime edizion di “pordenonelegge”, la grande Fieste dai libris e de libertât, che dai 16 ai 20 di Setembar e scomence il cont a ledrôs pe Capitâl taliane de culture dal 2027, e je stade presentade a Milan. Lis sorpresis a saran cetantis: la scree cun Salman Rushdie, il “Conciert pe Italie” e la presince dal president de Republiche taliane, Sergio Mattarella, tal ultin dì dal festival, cuntun intervent in direte che al sarà trasmetût in tantis piacis diferentis di dute la citât. La fieste e larà indevant par sierâsi po dopo tal cûr de Europe, a Praghe dai 20 ai 22 di Otubar. (A.I.) – 07.07.2026