Intant che il cont par ledrôs pe fieste dai libri e dai letôrs al è za tacât, la fondazion Pordenonelegge.it e à metût dongje une gnove rassegne dal Istât, promovude dal consorzi dal Prosecco Doc in trê cantinis dal teritori, che a son un patrimoni de tradizion regjonâl e ecelencis a nivel nazionâl: Cabert, La Sartoria Vini–Piera 1899 e San Simone. Alberto Garlini, il curadôr di “Pordenonelegge in cantina”, al à evocât la tradizion dal simposi grêc,“là che la convivialitât si fondeve cul dialic e la riflession sui temis de atualitât”. Il prin dai apontaments “cu lis bufulis” al è stât vinars ai 4 di Lui li di Cabert cu la scritore Chiara Valerio. Martars ai 8 al rive Antonio Manzini, il pari di un dai “zâi” plui preseâts dal public de television, Rocco Schiavone, par fevelâ dal ultin cjapitul “Il passato è un morto senza cadavere”. Ai 22 di Lui l’ultin apontament dai libris in cantine, cu la gjornaliste e scirtore Concita De Gregorio che e presente l’ultin romanç “Di madre in figlia”. (A.I.) – 07.07.2025
Foto di K. Tommasi
