Pordenonelegge a Bruxelles si presente pe Europe

Al è stât presentât tal Parlament european il percors centrâl de vincjesime seste edizion di pordenonelegge, la fieste dal libri e de libertât. Lis iniziativis de rassegne a son stadis presentadis dal President de Fondazion Pordenonelegge.it, Michelangelo Agrusti, e dal diretôr artistic de rassegne, Gian Mario Villalta. La sielte di Bruxelles no je stade fate par câs, ma pal “progjet Europe” che al sarà al centri de rassegne, cun passe 350 events in cinc dîs. Dai 17 e fint ai 21 di Setembar, la citât e sarà si che duncje un grant palc par dutis lis grandis vôs dal nestri timp. De leterature ae sience, dal gjornalisim ae filosofie e la inovazion: centenârs di ospits a saran protagoniscj par lei il Mont e i siei cambiaments, simpri plui svelts. La scree e sarà fate de scritore iraniane Shirin Ebadi, Premi Nobel pe pâs tal 2003. (A.I.) – 03.07.2025