Pordenon si interoghe su la citât dal avignî

Gnovis iniziativis pal progjet articolât “La città diffusa”, promovût dal EFASCE (Ent furlan di assistence sociâl culturâl dai emigrants) in colaborazion cu la fondazion Pordenonelegge. Al centri e je la mostre che si podarà visitâ fint ai 4 di Avrîl cu lis oparis di siet artiscj di Pordenon tal mont, metudis dongje di chês fatis dai students dal liceu “Galvani”. Cualchi cunvigne e va a integrâ la mostre: martars ai 26 tal palaç “Badini” aes 6 dopomisdì al fevelarà di Pordenon “la citât dal avignî” cul fotograf e artist Mattia Balsamini e cun Elena Biason, esperte in sostignibilitât e cambiaments climatics. (A.I.) – 25.03.2024