Pordenon: la mostre permanente dal PAFF! e à fat un an

La mostre permanente dal PAFF! di Pordenon e à fat un an. Al jere ai 10 di Març dal 2023 cuant che al vignì screât un lûc unic tal so gjenar, un museu particolâr dulà che no son protagonistis dome che lis contis a fumets, ma ancje e soredut la storie editoriâl dai fumets. La responsabile de esposizion permanente Silvia Moras e sclarìs lis particolaritâts di un museu dut di scuvierzi: “Al è in moviment costant sedi pai contignûts, che a àn une rotazion dilunc dal an, sedi parcè che al è un museu multimediâl, là che si cjate une vore di contribûts che a comunichin cun dut ce che al è esponût, fevelant ancje di discs, dissen e art”. (A.I.) – 12.03.2024