Pordenon, a tachin lis celebrazions par Mattei

Une figure carismatiche di grande impuartance economiche e gjeopolitiche, buine di interpretâ prime e miôr di ducj chei altris il so timp e il so futûr. Enrico Mattei, fondadôr de Eni, al è stât un zigant de industrie taliane e globâl fin ae sô muart intun incident di avion intal 1962. Daspò di jessi tornât a jessi impuartant tal disvilup economic dal tierç mileni – in gracie dal “Plan Mattei pe Afriche” burît fûr dal guvier talian – Enrico Mattei al sarà memoreât a 120 agns de sô nassite, ai 29 di Avrîl dal 1906. Prime dal aniversari, propit a lui e je dedicade une mostre di culture storiche e politiche pensade e promovude dal IRSE, l’Istitût Regjonâl pai Studis Europeans dal Friûl-Vignesie Julie “Enrico Mattei. Politiche, Energjie e Vision jenfri il Mediterani e l’Orient di Mieç.” Il program si vierç tal auditorium “Zanussi” di Pordenon joibe ai 5 cu la prime di trê tapis: il progjet al sarà presentât dal storic e ricercjadôr Samuel Boscarello. (A.I.) – 04.02.2026