Poesiis in forme di blues par un mont in crisi

Il teatri gnûf “Giovanni da Udine” al va indevant la sô serie di apontaments par “Foyer d’autore”, i incuintris cui autôrs su argoments leteraris, storics, teatrâi, musicâi e artistics. Joibe ai 16 aes 6 di dopomisdì, te suaze des iniziativis in spiete de “Gnot dai letôrs”, Enzo Martines al presentarà il so ultin libri, “Precari al Mondo. Il blues del primo quarto di secolo” (Precaris tal Mont. Il blues dal prin cuart di secul, jessût par Qudu). In cheste racuelte di poesiis, Martines al esplore la relazion complesse jenfri la umanitât e lis sfidis causadis de devastazion ambientâl e des vueris, lant insot a indagâ lis cundizions precariis de umanitât. (A.I.) – 15.04.2026