Poesiis curtis par furlan, tant che i gjaponês

Gnûfs apontaments pes presentazions de racuelte poetiche “Stagjons. Haiku par furlan” (jessude chest an par Campanotto Editore) di Christian Romanini , a tacâ di vinars ai 26 te sale consiliâr dal Municipi di Maian in ocasion de Zornade europeane des lenghis. Domenie ai 28, presentazion tal Mulin Braide a Flambri di Talmassons te suaze de Fieste des risultivis e al prin di Otubar te biblioteche “Joppi” di Udin pe rassegne “Dialics in biblioteche”. Il volum, in cuatri lenghis (furlan, talian, inglês e gjaponês) al è fat di “haiku”, composizions curtis di dome trê viers, tipichis de poesie gjaponese. (A.I.) – 25.09.2025