Pitoris furlanis ancjemò in mostre

E veve di sierâ ai 23 di Fevrâr, ma i organizadôrs a àn decidût di sprolungjâ la viertidure de mostre “Irene e le altre” (Irene e chês altris), te galarie di art “Celso e Giovanni Costantini” di Çopule, daspò des domandis par gnovis visitis. La mostre curade di Stefano Aloisi e Enrico Lucchese – ancje autôrs di un preseât catalic -, dedicade ae cundizion des feminis artistis tal Friûl dal decim sest al decim novesim secul, si podarà visitâ fint ai 30 di Març, in graciis di un acuardi cui proprietaris des oparis imprestadis ae galarie. Tacant di Irene di Spilimberc, vivude tal 1400 e piturade intun cuadri di un arlêf di Tiziano, la mostre e fâs viodi pe prime volte la presince des feminis tes arts dilunc cuatri secui. Cuarante in dut lis oparis – dissens, pituris, incisions, libris e une mape – di autoris pôc cognossudis dal teritori, di Quintilia Amalteo a Felicita Sartori, di Marianna e Luigia Pascoli Angeli, a Maria Ippoliti, Vittoria Peretti di Prampero, Alice Dreossi e Claudia Panciera. (A.I.) – 10.03.2025