Pieris di intop: Udin cumò a ‘nd à 45

Daspò de viertidure de mostre dedicade ai vot citadins che il Comun al à dedicât lis gnovis Pieris di intop, la cerimonie e va indevant a Udin, cjapant dentri ancje i students. Cu lis pieris dedicadis al ricuart di Aldo Bernoni, Amedeo De Nicola, Umberto Del Piero, Giuseppe Magjo, Giulio Rizzi, Giovanni Lodolo, Mario Cozzi e Bepino Colaoni – cuatri partigjans das formazions talianis Osoppo e Garibaldi e cuatri uficiâls dal esercit talian che si jerin refudâts di jentrâ te Republiche sociâl fassiste, il numar totâl des pieris al rive a 45: dutis metudis tai lûcs là che a jerin lis ultimis cjasis dai depuartâts. (A.I.) – 27.01.2026